ما أجمل الصباح اللي بيبدا بنورك اللي بتشرقو علينا من سماءك يا إله الكون!
قدّيشك كريم يا ربّي يسوع، إنت اللي بتعطي من دون مقابل وبتدعينا تا نتنعّم بعطاياك اللي ما بتنتهي، وأهمّا عطيّة الحياة اللي فيها الحلو والمرّ، والهيّن والصعب، بس الأكيدين منّو إنّو معك ما في شي مستحيل.
قدّيشك كريم يا ربّي يسوع، إنت اللي عطيتنا وعاطينا حبّك تا نحملو بقلبنا وبكياننا، وداعينا تا ننشرو بمجتمعنا ووين ما منكون.
قدّيشك كريم يا ربّي يسوع، إنت اللي عطيتنا، وبعدك عم تعطينا كل يوم، جسدك ودمك أجمل وأهمّ زوّادة لإلنا برسالتنا كأبناءك وبناتك، وفيك منلاقي سلامنا.
قدّام كرمك يا ربّ مننحني، ومنوعدك إننا رح نسعى، رغم ضعفنا وبقوّة روحك القدّوس، إننا نتمثّل فيك، ونعطي للآخرين المحبّة والفرح والسلام بلا حدود.
/الخوري يوسف بركات/
