بزمن جديد وبصباح جديد وبنهار جديد بيطل نورك من السما يا ربّ، وبتشرق شمسك علينا تا تقلنا إنّك حاضر معنا وما بتتركنا، منشكرك ومنسبحك يا إلهنا الحبيب.

كيف ما بدنا نولد من جديد يا ربّي يسوع، وإنت اللي عطيتنا ذاتك وولدتنا أبناء وبنات فيك تا نشبهك ونعيش بحسب تعاليمك؟ منشكرك يا ربّ.

كيف ما بدنا نولد من جديد يا مخلّصنا الحبيب وإنت اللي وعدتنا إنّك تبقى معنا وحقّقت وعدك وعطيتنا الروح القدس، المعزّي تا يكون سندنا كل حياتنا.

كيف ما بدنا نعيش الولادة الجديدة فيك يا روح الله القدّوس وإنت اللي وعيتنا وبتوعينا عا حقيقة وجودنا بهالحياة وعلى رسالتنا اللي فيها منعلن مجدك ومنسبّحك.

/الخوري يوسف بركات/