28 Dec
28Dec

لمّا نور الصباح بيشرق علينا يا ربّ، منشعر بدفا حبّك علينا، وبيصير التسبيح بقلوبنا يعلا ويعلا.

يا ربّي يسوع المسيح، إنت الملك المنتظر والإله والإنسان المخلّص، إجاك المجوس، الغربا واللي ما بيعرفوك واللي بيمثّلو الشعوب الوثنيّة، وسجدو لإلك بإشارة من الملاك.

يا ربّي يسوع المسيح، هالمجوس الغربا تركو عالَمُن وفاتو بعالمك لأنن شافو فيك الملك، لهيك قدّمولك الذهب إنت وبالمذود.

وإستباقاً لآلامك وموتك وقيامتك، قدّمولك المرّ.

ولأنّو البخّور بعطرو ما بيتقدّم إلّا للآلهة، وإنت الإله، جابولك البخّور وقدّمولك ياه مع الذهب والمرّ لأنّك إنت الملك والإله.

منقدّملك يا ربّ ذواتنا الخاطية تا تنعشنا وتولدنا من جديد، ونغتني ونتقدّس فيك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.