24 Dec
24Dec

بختام هالأسبوع، وبصباح هالنهار المبارك، واللي بيسبق ميلادك با ربّي يسوع، منرفعلك كل التسبيح والمجد.

ميلادك يا ربّي يسوع هوي أجمل حدث معنا بتاريخ الحياة، وهالحياة إنت نورا ومحرّكا وهدفا وغايتا.

ميلادك يا ربّي يسوع هوّي ميلاد الفرح والسلام اللي كانو ضايعين بوحل الخطية المتربصة عالباب.

ميلادك يا ربّي يسوع هوّي ميلاد المحبّة اللي زرعتا فينا، أوّلاً لمّن غفرت لصالبينك، وتانياً بدمّاتك اللي سفكتن عالصليب.

وحدث ميلادك اللي جايي علينا بكرا هوي وقفة ضمير لإلنا تا نعرف ويننا من حياتنا معك، وهوي صفعة لإلنا تا نوعى على خطايانا ونقدّملك ياها بقلب ندمان وتايب.

موراناتا! تعا يسوع وملّينا من نعمك وعطاياك تا نعرف نعيش ميلادك، ميلاد المحبة والفرح والسلام، بكل أمانة وإخلاص وإلتزام لدعوتنا، دعوة القداسة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.