18 Dec
18Dec

بصباح هالأحد اللي بيسبق عيد تجسّدك يا ربّي يسوع عالأرض وبين البشر، منرفعلك كل التسبيح، والمجد لألله اللي خلقنا، والشكر للروح القدس اللي سهران علينا.

يا ربّ، نحنا منآمن كل الإيمان إنّك من الأزل موجود، وحبّيتنا وبعدك بتحبّنا رغم هشاشتنا، وهدفك إنّك تخلّينا معك للأبد.

يا إله الحياة، نحنا منآمن كل الإيمان بوعدك بإنّك معنا وما بتتركنا، ورغم كل السنين اللي مرقت واللي رح تمرق بعدك معنا وحاضننا وعم تدعينا للقداسة.

يا إلهنا الحبيب، كلنا إيمان بأنّك ما بتنسانا لأنّك بيّنا، ورغم ضعفنا ما بتغيّر مشروعك الخلاصيّ لإلنا، إنت اللي صرت إنسان تا تألّهنا وتعلّمنا الألوهة.

يا ربّ، إنت اللي دعيتنا للقداسة، وبعتت روحك القدّوس قدّامنا تا يشجّعنا ويقوّينا على أوجاعنا، كيف ما بدنا نشكرك ونقدّملك ذاتنا عربون ثباتنا فيك؟


/الخوري يوسف بركات/

تعليقات
* لن يتم نشر هذا البريد الإلكتروني على الموقع.