17 Dec
17Dec

بنهاية هالأسبوع المبارك، الخليقة بكل اللي فيها بترفعلك التسبيح والمجد يا ربّ السما والأرض.

يا ربّي يسوع، شو هالعالم اللي عايشين فيه؟ عالم كلو دينونة، من الكبير للصغير، وكتار اللي صارو عم بيدينو غيرن بإسمك وبطريقة ظالمة.

يا ربّي يسوع، شو اللي عم بيصير بولادك؟ أبناءك وبناتك اللي خلقتنا عا صورتك ومثالك صرنا عم نهرب من الوقوف معك ومحاسبة ذاتنا وعم نلتفت لنتّهم وندين الآخرين شو ما كانت خطيتن.

يا ربّي يسوع، نجّينا من تجربة الدينونة والتكبّر، وذكّرنا بإنّك إنت وحدك، اللي ما بتعرف الخطيّة، ممكن إنّك تدين بعدل ومحبّة لأنّك بتعرف شو في بقلوبنا.

يا ربّي يسوع، وعّيلنا ضمايرنا تا نضلّ القدوة والمثال بالمحبّة والتسامح لكل اللي منلتقي فيون.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.