بصباح هالأحد الفارح، منرفعلك يا ربّ أجمل التسابيح وأعذب ألحان المجد مع يوحنّا اللي عم يولد اليوم، ومع زكريا اللي عم يطلق لسانو بشكرك.
منشكرك يا ربّ لأنّك تحنّنت عالبشريّة وبعتلّا يوحنا تا يمهّد الطريق قدّامك ويدعي الناس للتوبة والتحضير للخلاص اللي بدك تعطيه بتجسّدك.
منشكرك يا ربّ عا حنانك اللي تجلّى بحياة البشر وبعدو عم يتجلّى بكلّ مرّة منتوب عن خطايانا ومنرجع منتصالح معك.
يا إلهنا الحبيب، كتير إيام بتقوى علينا الخطيّة وما منعود نتحمّل ضغط، منصير نضيع بالحلّ مع إنّو بسيط وكتير مهمّ، وهوّي إننا نستسلم لحبّك وحنانك ونكبّ حالنا بين إيديك ونمشي بحسب وصاياك.
يا ربّ عطينا على إننا نكون شهود لحنانك بين أهلنا ومحيطنا، ونستحقّ إننا نشارك بأسرارك، ونتوحّد فيك.
/الخوري يوسف بركات/
