إجا الشتي وجايب معو الخيرات من عندك يا ربّ، منشكرك عا كل نقطة ميّ وكل نسمة هوا وكل طلعة ضوّ علينا يا إله السما والأرض.
وحدو الإيمان فيك يا ربّي يسوع، خلّى المرا الكنعانيّة الوثنيّة تآمن بحقّ بنتا بالشفا من الشيطان اللي كان متملّكا.
وحدو الإيمان فيك يا ربّي يسوع، خلّى المرا الكنعانيّة تدفع ثمن غالي وقاسي، بس لأنّها وثقت وحطت كل رجاها فيك، وما تراجعت، ونالت بنتا الشفا.
وحدو الإيمان فيك يا ربّي يسوع، خلّى المرا الكنعانيّة ترضى ولو بأدنى درجات الإنسانيّة لأنّها متأكّدة بقدرتك على رفع مقاما هيي وبنتا لدرجة المعلمة بالإيمان لمّن قلتلا عظيم إيمانك يا إمرأة.
يا ربّي بسوع، نحنا كمان رح نسعى، بكل طاقتنا، على إننا نوصل لهالإيمان والرجا والثقة اللي كانو عند المرا الكنعانيّة، ونعيش التسليم لمشيئتك بحياتنا.
/الخوري يوسف بركات/
