كل التسبيح والمجد والإكرام بيليق لإلك يا ربّ السما والأرض، إنت الإله القادر عا كل شي.

يا يسوعنا الغالي، إنت اللي إخترت القدّيس متّى الرسول تا يكون عم بيعلن إسمك للعالم اليهودي كلّو، متى اللي كان ضايع بمال هالعالم وبمناصبو.

يا إلهنا الحبيب، إنت اللي علّمت القدّيس متّى كيف يتخلّى عن أنانيتو وكبرياؤو ويكون رسول تواضع وخدمة وحياة للناس.

وهيك نحنا يا ربّي يسوع، إنت إخترت كل واحد وواحدة منّا، بالرغم من ضعفنا ومحدوديّتنا، تا نكون تلاميذ، كلنا إيمان فيك بإنّك ما بتتركنا، ورح تبقى معنا وما بتسمح إننا نبعد ونضيع ببحر هالعالم الزايل، لا بل إنت غامرنا بنعمك بكل لحظة من لحظات حياتنا.

/الخوري يوسف بركات/