بصباح هالأحد المبارك، وببداية هالسنة الطقسيّة، اللي فيها بتتجدّد البيعة وبتتقدّس، منرفعلك يا ربّ أجمل ألحان التسابيح والتمجيد والشكران.
يا إلهنا الحبيب، منشكرك لانّك بتدعينا بمطلع هالسنة الطقسيّة تا نتذكر دعوتنا للقداسة.
يا إلهنا الحنون، منشكرك لأنّك بتدعينا بمطلع هالسنة الطقسيّة، وكل يوم، تا نجدّد قلوبنا ونفوسنا تا تسكن فيها بجسدك ودمك.
يا إلهنا الرحوم، منشكرك لأنّك بتدعينا بمطلع هالسنة الطقسيّة، وكل يوم، تا نعيش الرحمة ونستقي من قلبك المغفرة لكل إنسان.
يا روح الله القدّوس، منشكرك لأنّك بمطلع هالسنة الطقسيّة، وبكل لحظة، عم بتقدّس أفكارنا وتجدّد ضمايرنا تا نصغي لكلمة الله ونعمل فيا.
/الخوري يوسف بركات/
