بصباح هالنهار المبارك، منرفعلك يا ربّ كل الشكر على نعمة الحياة اللي عاطينا ياها واللي بتدعينا إننا نعيشا بملآا بفرحك وسلامك ونتشاركا مع كل الناس.
ياما وياما إيام بتدعينا فيها يا ربّ إننا نتصالح معك بالأسرار ونتمّم مشئتك فيها، ومنحاول إننا نتحايل عليك بقدّاس من هون ومسبحة من هون وتسعاوية من هونيك، بس أعمالنا ما كانت تعكس هالصلوات.
ياما وياما إيام يا ربّ، بتدعينا إننا نحبّ الآخرين وخصوصي اللي منا عم نقدر نتقبّلن، ومنصير نأجّل ونأجّل بركي منسكّت صوتك فينا وما نعمل بإرادتك.
بس إنت يا ربّ أقوى وأعظم وأكبر من الشرّير وقوّتو اللي عم بيحاول يبعّدنا فيها عنّك، لهيك رح نرجع نقوى ونثبت فيك وترجع الأوّل والوحيد بحياتنا وتكمّل مشيئتك فينا.
/الخوري يوسف بركات/
