منرفعلك يا ربّ كل التسبيح والإكرام بصباح هالنهار المبارك واللي فيه كل القدّيسين عم يعلنو مجدك القدّوس.

يا ربّ السما والأرض، القداسة هيي دعوة ءنت دعيتنا لإلها وعشتا قدّامنا لأنّك إنت القدّوس، وعطيتنا من ذاتك مثل تا نعرف نعيش دعوتنا بكل إيمان ورجا وفرح.

يا إله المحبّة، منشكرك على هالدعوة اللي فيها منعلنك ملك على حياتنا إن كان بأقوالنا أو بأفعالنا، بمحبّة، وتكون إنت غايتنا وهدفنا.

يا ربّي يسوع، نحنا جوعانين لكلمتك اللي فيها بتعبّرلنا عن مدى حبّك لإلنا وبتدعينا تا نحبّ بلا حدود.

يا يسوعنا الغالي، بدنا نعيش التطويبات، بس يمكن ما عم نعرف نعيشن.

عطينا النعمة وقوّينا تا تكون قلوبنا متل قلبك، ونشوف بعيونك، ونسمع بدينيك، ونحب بقلبك تا نستحق الطوبى والملكوت.

/الخوري يوسف بركات/