بصباح هالأحد الفارح، ومع إشراقة شمسك ونورك يا ربّ، منرفعلك قلوبنا وعقولنا فعل شكر على محبّتك العظيمة اللي بتحبّنا ياها.

منشكرك يا بيّنا السماوي على حبّك اللي ما إلو حدود واللي فيه خلقتنا ونفخت روحك القدّوس بقلوبنا تا نتجدّد فيك كل يوم.

منشكرك يا ربّنا يسوع الحبيب على حبّك الكبير اللي وصّلك إنّك تنصلب تا تخلّصنا وتعطينا القوة بالإيمان والثبات بالرجا.

منشكرك يا روح الله القدّوس على حبّك المعزّي اللي خلّاك تكون حاضر معنا وتخلّينا مستعدّين دايماً تا نلتقي بالربّ.

منشكرك يا الله الثالوث اللي عم بتقوّينا تا نكمّل مسيرة الأمانة بالحبّ الكامل ونكون مستحقّين الملكوت.

/الخوري يوسف بركات/