نيّالو سمعان كان قريبك وتلميذك بنفس الوقت، وآمن فيك وبألوهيتك يا يسوع وعاش بحسب تعاليمك.

نيالو سمعان الرسول يا ربّ، لأنّو عرف كيف يعيش الأخوّة الحقيقيّة، واللي بترتكز عالصدق والأمانة والمحبّة من دون مقابل.

نيّالو سمعان الرسول يا يسوع، لانّو عرف كيف يختار السما والحياة الأبديّة بالرغم من صعوبة الرسالة اللي بتتطلّب بذل الذات في سبيلك.

ونحنا، بهالإيّام وهالظروف الصعبة، اللي بتدفعنا إننا نتخلّى عنّك ونلحق آلهة أرضيّة، رح يبقى إيماننا فيك يا يسوع ثابت، وبدنا نسعى تا نثبت فيك وبحبك.

/الخوري يوسف بركات/