يا ربّي يسوع، صعبة على الإنسان اللي ما بدو يآمن فيك إنّو يفهم تفسيرك عن اللاهوت والناسوت وخصوصي لمّن قلت إنّك إبن داود بالناسوت، ولكن ربّ داود باللاهوت.

كلامك قوي كتير يا ربّ على اللي رافض نعمة الله بحياتو، عطينا يا ربّ إننا نتشبّه فيك، تا تحط فينا الألوهة وتقدّسنا بحياتنا، وهيك منعيش فيك بكل كياننا، ومنحملك لإخوتنا ومنألّف مع بعض جماعة واحدة وقلب واحد وجسد واحد لرأس واحد هوّي إنت يا ربّ.

قوّينا فيك يا ربّ تا نعيش المحبّة ونشهد لقيامتك بحياتنا بكل تجرّد وروحانيّة، وننما ونتقدّس فيك يا أيّها الحبّ الحقيقي الحيّ والمحيي.

/الخوري يوسف بركات/