لمّن بتشرق نورك علينا يا ربّ، منحسّ بالأمان إنّك معنا وحامينا وعم تنشر سلامك وأمانك علينا، منسبّحك ومنمجّدك ومنباركك ومنشكرك.

يا ربّي يسوع، سؤال حيّر الناس كلّا عا إيّامك : من وين هالسلطان اللي كنت عم تحكي فيه؟ وكيف كنت تشفي يوم الراحة ويوم الربّ، يوم السبت عند اليهود؟

هالمشكلة كانو رح يعانو منها شو ما كان الجواب لأنن جاهلين الشريعة والتورات اللي بتحكي عنّك وبتدعي الناس إنّو تستقبلك.

جوابك للفرّيسيّين ولكل إنسان بخصوص السبت يا ربّ، بيخلّينا نتأكّد إنّك إنت إله السبت.

ساعدنا يا ربّ تا نتمسّك بكلمتك، كلمة الحياة، وعلّمنا إننا نعمل بمشيئتك، ونستمدّ القيامة من نعمك وعطاياك، لأنّك إنت الله الشافي والمحرّر

/الخوري يوسف بركات/