الخليقة كلّا، بطبيعتا، وبكل خلايقا بتشكرك كل ما يبزغ فجر نهار جديد، ومعن نحنا منفرح بأنّك حاضر معنا وما بتتركنا لو شو ما صار، منسبّحك ومنشكرك.
يا ربّي يسوع، يا إله الرحمة، إرحمنا وافتاح بصيرة قلوبنا تا نقدر نقشع نورك بحياتنا.
يا ربّي يسوع، إنت اللي بتريدنا نعيش الرحمة مع الآخرين، خلّينا نشوفك بالمحتاج، ونلمس نورك بالمهمّش، وناخدك زاد وزوّادة من القربان، تا نقدر نتحوّل من ناس طغيت عليهن الخطيّة لناس مليانين من روحك اللي بيقودن للمراعي الخصبة.
يا ربّي يسوع، إشفينا من أمراضنا الروحيّة اللي عم تحاول تاكلنا، وخصوصي إشفيلنا ألسنتنا تا تنتقل من لغة الكفر والسخافات للغة جديدة وحلوة، لغة الحب والحياة فيك، واللي فيها منصير شهود لنعمك بحياتنا.
/الخوري يوسف بركات/
