صباح جديد، وأسبوع جديد، وحياة جديدة بتعطينا ياهن يا ربّ مع بداية هالنهار، منسبّحك ومنشكرك.
يا ربّي يسوع، ما تبعد عنّا وتتركنا وحيدين، وما تتخلّى عنّا نحنا أبناءك وبناتك، خلّيك معنا وما تشيل إيدك عن حمايتنا من كل الشرور.
ضلّك معنا يا ربّي يسوع، لأنّو إذا تركتنا قتلِتنا الخطايا وصرنا جافّين متل الأرض اليابسة اللي بحاجة لميّ، أو حتّى منصير من دونك متل الخراف اللي ما إلها راعي.
خليك معنا بهالعالم يا ربّي يسوع، وعطينا إننا نعيش معك بعبورك الدايم للآب.
نوّرنا يا ربّ تا نعرف نموت عن ذاتنا تا تحيا إنت فينا وترحمنا وتاخد بإيدنا لنكون معك.
/الخوري يوسف بركات/
