بهالأحد المبارك، منرفعلك يا ربّ كل التسبيح والمجد والإكرام، ومنشكرك عا كل نعمك وعطاياك.
يا ربّي يسوع، طرحت السؤال على اللي حويليك مين لمسك، جاوبتك من بيناتن مرا واحدة، هيي وحدا اللي حسّت بحقيقة لمستك، ووحدا اللي قدرت كسبت شفاء لجسدا، وخلاص لنفسا.
يا ربّي يسوع، من بين كل الخاطيين اللي كانو حواليك، مرا وحد إعترفت بضعفا، هيي وحدا اللي إجت وانحنيت قدّامك يا ملك الملوك ونالت الرحمة لذاتا، وحدا اللي لمستك ولو عن غير إستحقاق بس آمنت برحمتك وبقدرتك على شفاءا.
قدّيش من المرّات منلجأ لأشخاص يا ربّ تا يغيّرولنا قلوبنا وينقّوها، بس ما كانو قدّ الحمل، وحدك القادر عا كل شي، إرحمنا ونوّرنا وقدّسنا يا إلهنا الحبيب.
/الخوري يوسف بركات/
