كل التسبيح، وكل الشكر إلك يا ربّ على الصباح اللي ما بتنسانا فيه، واللي دايماً بتشرق فيه علينا من نورك.
ما أجمل العين اللي مكوّنا فينا يا رب!
هالقطعة الصغيرة بجسمنا بتخلّينا نعرف الإشيا، ونعرف كيف ووين نمشي، نعرف نميّز الأشخاص والإشيا.
منشكرك يا ربّ على العين اللي هيّي سراج جسدنا، هالعين اللي متخصّصا بالنور اللي جايي من فوق، من عندك يا أب الأنوار، إنت النور النقي اللي ما بيتدنّس.
صراعنا كبير ودايم يا ربّ إننا نخلّي عيوننا صحيحة وما تمرض لأنها إذا مرضت رح تخلّينا نعيش بالظلمة.
علّمنا يا ربّ كيف نختارك ونبعد عن الخطيّة ونغوص بسرّ حبّك العظيم ونعبر معك لبرّ الأمان وتصير أعمالنا وحياتنا عم يعكسو حقيقة التلمذة لإلك.
/الخوري يوسف بركات/
