مع كل الخليقة مننشدلك التسبيح والمجد يا إله السما والأرض بصباح هالنهار المبارك.
يا ربّي يسوع، الطريق معك بتتطلب منّا نتخطّى الأرضيّات تا نفوت بالعمق معك ونعبر للملكوت مقرّ الحياة، بس المشكلة دايماً فينا يا ربّ لأننا منختار العالم الأرضي المنسجم مع الخطيّة اللي ما بتخلينا نشوف باب الخلاص اللي بيودّي للحياة الأبديّة فيك.
يا ربّي يسوع، تا نكون معك، ما فينا إلّا ما نفتّش عن ذاتنا ونطلع من روح هالعالم تا نقدر نحقّق ثمار بتليق فينا كأبناء وبنات الملكوت، المدعوّين إننا نثبّت إيماننا فيك بحياتنا من خلال أعمالنا وأقوالنا.
ساعدنا يا ربّ لننغرس فيك، إنت شجرة الحياة، ونتخلّى عن مغريات هالدني، ونصير سهام منطلقة صوبك، وتكون إنت هدفنا الوحيد.
/الخوري يوسف بركات/
