شو بدنا أجمل من الصباح اللي بيشعّ بينورك، ومن النهار اللي بيبتدي وبينتهي بحضورك يا إلهنا الحبيب؟
يا ربّي يسوع، إنت علّمتنا إنّو الصوم والصلاة منن مسألة عواطف، تنيناتن متداخلين ومتماسكين ببعض.
ما في صوم من دون صلاة، لأنّو هدف الصوم هوّي الصلاة، وهدف الصلاة هوي الحبّ الإلهيّ اللي بيتجسّد بمحبّة إخوتنا القراب والبعاد عنّا.
وبتجي يا ربّ وبتثبّتلنا إيماننا بالصدقة تا يصير ثابت على الصوم والصلاة، والصدقة بمحبّة، على أمل إنّو نشوفك بالآخر، ونعيش معك وفيك بهالعالم.
يا ربّي يسوع، بالصوم والصلاة والصدقة بيكتمل الصليب اللي منعبر عليه معك، تا نوصل للقيامة، ونعيش وليمة الحبّ وعرس الأعراس، ونستقر فيك بالملكوت السماويّ لمّن بتدعينا.
/الخوري يوسف بركات/
