مع بداية الصوم منرفعلك يا ربّ أجمل التسابيح وأعذب ألحان المجد ومنشكرك عا كل نعمك وعطاياك.
عجيب يا ربّ، كيف بلّش الصوم بعرس!
صحيح، هيدي هيي الوليمة الروحيّة يا ربّ، وبهالصوم ما رح نعطي حواسنا إلّا الضروري تا نعيش، ورح نحاول نروّضا على طاعة روحك القدّوس ونعيش التضحية والتقشّف تا نقدر نمشي درب النموّ الروحيّ معك.
صحيح يا ربّ، هيدا هوّي الصوم اللي رح نموت فيه عن العالم، وفيه رح نفرّغ ذواتنا من الأنانيّة والخطيّة اللي عم بتحاول تسلّمنا للموت.
وشو رح ينفعنا يا ربّ إذا ربحنا العالم كلّو وبعدين متنا؟ وبهالنهار رح نتذكّر إنّنا تراب، ونغوص بسرّ حبّك لإلنا وننما بالروح ونعبر من هالحياة لوليمة الحبّ الأبديّ.
/الخوري يوسف بركات/
