سنين وشهور وإيّام بتقطع يا ربّ، وبعدك عم تشرق علينا نورك وتنوّرلنا حياتنا بنور الإيمان والرجا والمحبّة.
منشكرك ومنسبّحك ومنمجّدك يا إلهنا الحبيب.
ما أعظمك يا الله، إنت اللي صرت إنسان تا تعطينا الحياة الأبديّة، وتخلّينا نشرب ونرتوي من نبع الألوهة ونتقدّس ونقدّس اللي حوالينا.
ما أجملك يا الله، إنت اللي صنعت السما والأرض وكل اللي فيها، من الإنسان للحيوان، تا يعيشو مكتفيين بنعمك وعطاياك عليهن.
بس الإنسان أناني يا إلهنا الغالي، ما بيحب يتشارك مع خيو الانسان، ولا بيقبل إنّو يكون في حدا أهمّ منّو، خوفاً من إنّو يخسر خيرات هيدا العالم.
بس الحلو واللي بيخلينا نتعلّق فيك يا ربّ، هوّي إنّك ما بتنسانا ولا بتتركنا، بعتّلنا يوحنا وكل القدّيسين تا يكونو مثال لإلنا بالتواضع والقداسة، ومنّن رح ناخد قوّة الثبات والإلتزام فيك.
/الخوري يوسف بركات/
