يا إله السما والأرض، نورك غامر قلوبنا وحبّك حامل أفكارنا، وحنانك متلّا حياتنا، منشكرك ومنسبّحك.
بتمرق إيّام وأوقات يا ربّي يسوع منحسّ فيها بخوف كتير كبير أو حتّى بتهديد داخلي بيدفعنا تا نبعد عنّك وحتّى لننكرك وهيدي هيّي الخطيّة الكبيرة اللي ما رح تنغفرلنا إذا ضلّينا عم نعيش هالبُعد عنّك.
بس أكيد ما في شي مستحيل عنك يا ربّ بمجرّد التوبة الحقيقيّة والإيمان فيك بإنّك وحدك القادر إنّك تشفينا من مرض الخطيّة.
قد ما بعدنا عن اللقاء فيك يا ربّ بتبقى ناطرنا وعم تعرض علينا الخلاص الحقيقي فيك، وقد ما حاولنا نفتّش عن السعادة بهالعالم يا ربّ ما رح نرتاح إلّا فيك.
عطينا يا ربّ إننا نوعى على أهمّية حضورك بحياتنا، تا نقدر نعيشك بالعالم ونثمر حب وفرح وسلام دائم.
/الخوري يوسف بركات/
