منُوعا الصبح عا نورك يا ربّ، ومنركض عالكنيسة تا نشكرك على نعمة الحياة بنهار جديد عم تعطينا ياه.
منجي لعندك يا ربّ تا نتأمّل بوجّك المبتسم من عن الصليب والفرحان بحضور أبناءو وبناتو ببيتو.
منجي لعندك يا ربّ تا نتأمّل بجنبك اللي عم ينزف دم تا يسقينا من حبّك ومن رحمتك.
منجي لعندك يا ربّ تا نتسمّع ونصغي لقلبك المجروح اللي عم يدعينا تا نستقي من نبع حبّك اللي ما بينضب.
منجي لعندك يا ربّ تا نضمّ قلبنا لقلبك، ونشرك عقولنا وأفكارنا بمشروعك، ونقدّملك حياتنا فعل شكر.
يا ربّي يسوع، منقدّملك قلوبنا بما فيها من أفراح وأحزان تا تحوّلا لقلوب تنعش حياة الآخرين بِحُبَّك.
/الخوري يوسف بركات/
