كل مرّة بيشرق فيها علينا نورك يا ربّ قلوبنا بتفرح لأنّك عم تتحنّن علينا بنهار جديد وحياة جديدة مليانين من حبّك، منسبّحك ومنمجّدك ومنشكرك.
يا ربّي يسوع، المعلّم والمثال، إنت بتعرف إنّو ما في إنسان كامل، ولا جماعة كاملة عالأرض، لهيك دعيتنا للكمال رغم النقص اللي فينا.
يا ربّي يسوع، تا نسعى للكمال ما فينا إلاّ ما نحطّك أساس حياتنا وتبقى مثالنا بالتواضع والخدمة، إنت اللي أفعالك عالأرض كانت تعكس تعاليمك.
يا ربّي يسوع، كل رجانا إنّنا نستحق الطوبى اللي عطيتا لكل إنسان بيعرف إنّك المعلّم وبيتتلمذ عندك وبيعمل بحسب هالمعرفة.
يا ربّي يسوع، إنت المسيح مخلّصنا وفادينا، ساعدنا تا تكون حياتنا كلّا تجسيد لتعليمك وقدوة للآخرين.
/الخوري يوسف بركات/
