مبارك أنت يا ربّ ومسبّح بهالصباح اللي فيه عم تشرق نورك علينا وعالكون كلو وعم تنعم عالخليقة كلا بالخيرات.
يا ربّي يسوع، معك كل المقاييس بتتغيّر، وكل المستحيل بيصير مستطاع، مع إنّو صعب علينا كبشر أنانيّين إننا نعيشو.
بالمفهوم البشريّ، دايماً الوصول للسلطة بيتطلب تسلّط، وأغلب اللي عايشين بالسلطة بيعيشو تجاذبات حول مين بدو يكون الأوّل والأهم.
بينما السلطة اللي بتريدا إنت يا ربّي يسوع بتختلف كل الإختلاف، لأنها بتتطلّب تفاني بالخدمة، وبتلغي كل شي في كبرياء وتكبّر.
ساعدنا يا ربّ، تا نكون على مثالك ببذل الذات عن الآخرين، حبُّا فيك، هيدي هيي العظمة اللي بتريدا.
/الخوري يوسف بركات/
