يا ربّي يسوع، إنت الصديق الحقيقي اللي ولا مرّة بتتعب منّا، ودايماً حاضر معنا، وناطر تا نحط حالنا بين إيديك تا توقف بوجّ الشرّير وتدافع عنْا وتبعّد كل أعداء الخير عن ولادك وأحبابك.


يا ربّي يسوع، إنت الصديق اللي حتّى بأصعب الأوقات بتكون حاضر وبإستعداد دايم تا تشيلنا من ضعفنا وتعطينا من ذاتك زاد للطريق.

يا ربّي يسوع، إنت الصديق اللي دايماً بتحكينا الحق والحقيقة لخيرنا، لانّك إنت الصدق اللي بتعرف اللي بداخلنا وما بتغشّنا.

معك يا ربّي يسوع بدنا نبقى بهالصداقة الحقيقيّة ورح نسعى دايماً تا نعطيك ذاتنا ببراءة الأطفال وبحب ثابت وحقيقي.

/الخوري يوسف بركات/