منسجدلك يا رب بهالصباح المبارك، لأنّك إنت الجمال كلّو، ومنّك بيشرق النور، وإنت الملك اللي جيت عا أرضنا وزرعت ملكوتك، ملكوت المحبّة فينا وبيناتنا.

يا يسوع الحبيب، إنت اللي دعيت الرسل بأسماؤن تا يعيشو معك ويعرفوك، منشكرك لأنّك دعيت كل حدا منّا بإسمو دعوة خاصة وبنيت معنا علاقة شخصيّة.

صعبة علينا يا ربّ إننا نعرف ليش أو كيف عم تدعي الإنسان دعوة عامة أو خاصة، وليش فلان ومش غيرو، بس كلنا إيمان إنّو بكل دعوة في منها قداسة لإلنا.

يا ربّي يسوع، ساعدنا على إننا نقدر نكتشف دعوتنا ونعيشا بحسب قلبك ونكون تلاميذ وشهود حقيقيين لإلك.

/الخوري يوسف بركات/