يا ربّي يسوع، شو حلوة السما اللي فيها القدّيسين عايشين بسلام أبدي وفرح ما إلو حدود، وشو حلوة الرسالة اللي منعكس فيها نورك وصورتك ومثالك للآخرين، وشو صعبة ومؤلمة الرسالة اللي فيها منعكس مجدنا ومنحطّ حالنا أفضل من غيرنا.
يا ربّي يسوع، ما ممكن نلاقي سلام بعيد عنّك، وقد ما فتّش الإنسان عن السعادة ما رح يلاقيها إلّا فيك، وقد ما حاول الإنسان إنّو يلاقي آلهة تكفيه، بتبقى إنت يا ربّ الكافي والشافي.
معك يا ربّي يسوع التعب بيزول، والخوف بينمحى، والألم بيصير إلو معنى، والموت بيصير إنتقال لحياة تانية مليانة سعادة أبديّة، ونحنا رح نبقى معك، ولاد ورسل وتلاميذ، نعكس حبّك لكلّ العالم.
/الخوري يوسف بركات/
