يا ربّي يسوع، من بعد ما حاول الشيطان ٣ مرّات إنّو يجرّبك وتغلّبت عليه، فات بالفرّيسيّين اللي حاولو يفشّلو رسالتك لمّن طلبو منّك العلامة من الله، وكمان تغلّبت عليه وعليهن لمّن دعيتن تا يفتّشو عن علامات الأزمنة.
يا ربّي يسوع، قد ما فتّش الإنسان ما رح يلاقي السلام إلّا فيك، إنت الله اللي صار معنا وبيناتنا، لهيك الدرس اللي مناخدو هوي إنّو الإنسان اللي بيحبك بيسمع كلامك وبيعمل فيه وبيسلّم ذاتو وإيمانو وحياتو لإلك، وبيوثق بإنّك رح بتدبّر كل شي بحكمة.
ما ممكن إننا نهرب من وجّك يا ربّ متل ما عمل يونان، لأنّو وين ما نبرم رح بتكون حاضر، لهيك ما رح نضيّع وقتنا بالتفتيش عن الحقيقة لأنها مش موجودة إلّا فيك.
/الخوري يوسف بركات/
