يا بيّنا السماوي، إنت اللي حبّيتنا وعرفت جراحاتنا، وبعتٌلنا الربّ يسوع إبنك الطبيب السماوي تا يداويها.

يا روح الله القدّوس، إنت المعزّي اللي ثبّت فينا القوّة والوعي تا نفهم إننا محبوبين من الله الآب اللي ما بيبخل علينا بإبنو الوحيد تا يشفينا.

يا يسوعنا الحبيب، إنت اللي أرسلت التلاميذ متل الخواريف بين الدياب، وعالمنا اليوم مليان من الدياب اللي ناطرة تا تنهش فينا وبكنيستك.

قوّينا برسالتنا يا ربّي يسوع، تا نصير رسل ومبشّرين وعمّال حقيقيّين بكرمك، نزرع كلمتك وفرحك وسلامك وين ما منكون.

/الخوري يوسف بركات/