30 Jun
30Jun

يا ربّي يسوع، من بين الناس نقّيت ١٢ شخص بعقليّات مختلفة ونفكير مختلف وميّزات مختلفة، وأرسلتن بين الناس تا يشتغلو بكرمك ويزرعو كلمتك بحب وسلام بالبيوت والمجتمعات اللي بيفوتو عليها.

يا ربّي يسوع، هالرسل الـ ١٢ برمو العالم كلّو يبشّرو فيك وبحقيقة قيامتك من خلال بساطة عيشن بين الناس، ما تكبّرو عالناس البسطا، ولا تسلّطو عليون، ولا عاشو الفوقيّة بإنّن كانو معك وأكلو من خبزاتك وشربو نبيداتك.

يا ربّي يسوع، متل ما إخترت الرسل كمان عم تختار كلّ حدا منّا تا نكون رسل ببيئتنا وبمجتمعنا، وشو حلو هالإمتياز اللي ميّزتنا فيه، ورح نحاول نكون على حسب قلبك وعا قد المسؤوليّة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.