يا إله السما والأرض، منشكرك لأنّك كشفتلنا مع بطرس الرسول سرّ الإيمان بإنّو الربّ يسوع هوّي إبنك بالأزل والمتجسّد بالزمن، خلّي أنوارك تضوي بقلوبنا تا حتّى نعرف إنّك إنت إلهنا الحيّ والحقيقي.

يا ربّي يسوع المسيح منشكرك لأنّك فاتحلنا باب الرحمة متل ما فتحتو لبولس الرسول، تا نتوب ونرجع عن الغلط ونبني من جديد علاقة الحبّ معك ونسترجع قوّة البشارة اللي عاطينا ياها ونتّحد فيك.

يا روح الله القدّوس، منشكرك لأنّك دايماً حاضر معنا تا تقوّينا بضعفنا وتشدّدنا وقت التجارب، منسلّمك ذاتنا تا تجدّدنا بالنعمة تا نشهد بأمانة لإلك وللآب والإبن.

/الخوري يوسف بركات/