28 Jun
28Jun

يا ربّي يسوع، شو صعبة الإضطهادات اللي منعانيها بحياتنا المسيحيّة، وخصوصي إذا كانت من أقرب المقرّبين لإلنا.

بس كمان هالصعوبات كلها بتنحلّ إذا حطّينا حالنا بين إيدين الروح القدس، هوّي الوحيد اللي قادر إنّو يحوّل كل شي لخيرنا ولقداستنا.

يا ربّي يسوع، شو حلوة منّا إننا نتمثّل فيك بتحمّل الصعوبات، إنت اللي تغلّبت عالشرّير لمّن تحمّلت الآلام والصليب حبًّا بالإنسان اللي خلقتو بالكلمة تا يكون الصورة والمثال عن الله المتجسّد.

بعّدنا يا ربّي يسوع عن الحقد والحسد اللي عم بيجرّب يفوت فينا الشيطان من خلالن، وقوّينا بالمحبّة والتسامح والفرح فيك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.