يا ربّ، منرفعلك قلوبنا بهالأحد المبارك، تا تنفحا بروحك القدّوس، وتقوى معرفتنا فيك، وتصير معرفة عمليّة نترجم إيماننا فيها بأعمال المحبّة والرسالة المليانة تسامح وغفران.


إعطينا من روحك القدّوس يا ربّ، تا نعرف إنّو الحياة معك هيّي ربح وفرح، ومش خسارة ويأس، ونكبّ كل الإشيا والأفكار اللي بتعلّقنا بالأرضيّات وبالعالم، وناخد التطويبات شريعتنا وحياتنا.

يا ربّ، منسألك إنّك تفيض روحك القدّوس بقلوبنا تا نقدر نشهد لمحبّتك وفداءك بكل حياتنا اليوميّة، إنت اللي دعيتنا تا نكون عيلة واحدة وقلب واحد وجسدك السرّي الواحد، إعطينا إننا نثبت فيك ونكون رسل حقيقيّين نعرف نوصّلك بكلّ أمانة للآخرين.

/الخوري يوسف بركات/