يا ربّي يسوع، قدّيش نحنا بحاجة لحبّ صادق ولتواضع عميق تا نقدر نقول الحقيقة لإخوتنا وأخواتنا بإحترام متل ما إنت بتطلب منّا!!
يا ربّي يسوع، كلامك حلو وعذب ومليان محبّة وكلّو حقيقة، بس هالحقيقة كتير صعبة إننا نعيشا لأننا كتير أوقات منساوم عالحقيقة، لأنّو المحبّة اللي ما بتستند عالحقيقة بتكون مساومة، والحقيقة من دون المحبّة هيي دينونة مزيّفة.
وبالتواضع الصادق بتتعانق المحبّة مع الحقيقة.
يا يسوع الاله، نحنا المدعوين إننا نتوب، عم نرفض رحمتك بكتير من الأوقات، وعم نصير متل الوثني والعشّار، خلّينا ما نساوم عالحقيقة ونشتغل على خلاصنا وخلاص إخوتنا وآخواتنا.
/الخوري يوسف بركات/
