يا يسوعي الحبيب، قدّيش المسؤوليّة علينا كبيرة نحنا اللي منقول عن حالنا مسيحيّين معمّدين؟

قديش تصرّفاتنا وطريقة عيشنا بالحياة عم تعكسك إنت المسيح المخلّص القايم من بين الأموات؟

شو صعبة الطريق للملكوت على يللي عم بيشكّكو الناس ويزعزعولن إيمانن، وخاصّة على كلّ مسيحي صاحب سلطة مدنيّة أو عسكريّة والأهمّ الدينيّة.

يا يسوعي الحبيب، نيّالو اللي عم بيكون قلبو وفكرو متل طفل، ما عندو لا حقد ولا ضغينة ولا خبث، وحتّى أعمالو وتصرّفاتو كلّا بريئة.

نجّينا يا ربّ من المشكّكين، ومن إننا نشكّك حدا من الناس، وخصوصي الأبريا اللي عم بيفتشو عن العيشة معك ومعتبريننا إخوتن، وخيارن الوحيد هوّي الحبّ.

/الخوري يوسف بركات/