يا ربّي يسوع، شو بدنا أجمل من هيك حُبّ؟ حُبّ الله الآب اللي خلقنا، وعا قد ما بيحبنا خلاّك بحالة ولادة دايمة بحياتنا، لأنّك إنت الحياة بكاملا.
يا ربّي يسوع، شو بدنا أجمل من هيك حُبّ؟ حُب الله الإبن اللي تجسّدت بعالمنا الضعيف تا ترفعو من ضعفو، وتعطينا الولادة الجديدة والحقيقية فيك.
يا ربّي يسوع، شو بدنا أجمل من هيك حُبّ؟ حُب الله الروح اللقدس اللي باقي معنا تا يقوّينا ويعزّينا، ويخلّينا بحالة إصغاء دايمة للآب، وثبات بالإبن.
يا ربّي يسوع، شو بدنا أجمل من هيك حُبّ؟ حُب الله الثالوث الحاضر دايماً فينا، وبيريدنا إننا نكون عم نعيش بالعالم حالة البنوّة الحقيقيّة بشهادة دايمة بأعمالنا وأقوالنأ، ونعطيه ذاتنا علامة حبّ ثمرتو الحياة الأبديّة.
/الخوري يوسف بركات/
