يا ربّي يسوع، كل اللي وعدتنا فيه تحقّق لمّن حلّت السما عالأرض بحلول الروح القدس، ولمّن فاض النور عالعالم الناطر الخلاص مدّة طويلة، وصار عالم جديد روحاني لكل مؤمن فيك وبتعاليمك.
يا ربّي يسوع، لمّن تعمّدنا بالميّ والروح، اللي قلتلنا عنّا من خلال نيقوديمس، انتمينا لعيلة الثالوث الأقدس، لهيك مولود الجسد رح يبقى جسداني ولغة الجسد بيحكي وبيتصرّف، وآخرتو التراب، بينما مولود الروح رح يسما ويعلا صوب الربّ.
يا ربّي يسوع، ليش العالم بيميل وبيلجأ للظلام وللحياة البعيدة عنّك المعتمدة عالشهوات والملذات وعلى حبّ الذات وبيهرب من الحقيقة والواقع؟
كحّل عيوننا يا ربّ بنور روحك القدّوس تا نقدر نعشقك اكتر وأكتر.
/الخوري يوسف بركات/
