يا ربّي يسوع، عالمنا اليوم عم بيسيطر عليه العنف وكل اللي بينتج عنو من حقد وبغض وقتل، والخطيّة منتشرة بقوّة، ومع هيدا منسمعك عم تقول وتأكّد إنّو الله معنا وما بيتركنا.
مبارك إنت يا ربّ يسوع وممجّد عالأرض من بني البشر وبالسما من الملايكة والقدّيسين، إنت اللي فهّمتنا إنّو المحبّة هيّي كل شي بالحياة، هيّي اللي بتعارض العنف وكلّ الخطايا، وبتجذب الإنسان الآخر صوبك لأنّك إنت المحبّة بذاتا.
إيماننا فيك يا ربّي يسوع بيعطينا الحكمة اللي بتخلينا نفهم العالم وصعوباتو، لأننا منعرف إنّك الكلمة اللي خلقت العالم وحرّرت الإنسان من إستعباد الشيطان لإلو.
يا يسوع، نحنا كنيستك اللي أسّستا عالإيمان، وهالإيمان بيبقى ثابت طالما عم نعيش التوبة.
/الخوري يوسف بركات/
