يا ربّي يسوع، بصعودك عطيتنا السلطان، متل ما عطيت الرسل والتلاميذ، إننا نصنع المعجزات بإسمك، ودعيتنا تا نكون مسيحيّين بالفعل ومش بس بالكلمة، لا بل حتى بالسيرة الصالحة، وبصعودك اليوم منجدّد إنتماءنا لإلك وثقتنا فيك إنّك باقي معنا وحامينا من كل التجارب.

يا ربّي يسوع، بهالظروف اللي عم تمرق علينا عم بتخلي حتى الإنتماء صعب عا يللي بدو يتبعك، وهون الحقيقة، يا منكون معك عالحلوة والمرة، أو منكون ما منستاهلك لأنّك إنت عطيتنا الحياة وما بخلت علينا فيها، وتبهدلت كرمالنا، وتعنّفت كرمال تحافظ على كرامتنا كأبناء وبنات الرجا والملكوت.

يا ربّي يسوع، عطاياك الكتيري لإلنا ما بتنتهي، رح نحوّلا بحياتنا لأفعال شكر وتسبيح إلك.

/الخوري يوسف بركات/