يا ربّي يسوع، إنت اللي شابهتنا بكل شي ما عدا الخطيّة، لبِسِت إنسانيّتنا وعشت إنسان بحقّ، وإنت الإله الحقّ، لهيك قبلت إنّك تخضع للقوانين اللي منخضع لإلها نحنا البشر، ولو كان هالشي ظلم، بس كنت تبيّن الحق بوقتو.

يا ربّي يسوع، إنت اللي ما دافعت عن نفسك ولا يوم، ولا إستعملت سلطتك كرمالك، وإنّما كرمال خلاص الإنسان، كل إنسان، ولمّن كنت تبيّن الحقيقة كنت تنسحب تا ما تكون سبب عثرة للآخرين.

يا ربّي يسوع، إنت اللي ما حطّمك الفقر ولا دفعك تا تفتّش عن المال أو السلطة، إعطينا الحكمة تا نعرف نوجّه نفوسنا صوب الحقيقة وندرّب ذاتنا تا نعرف نتحرّر من عبوديّة الخطيّة، ونحيا فيك للأبد.

/الخوري يوسف بركات/