يا ربّي يسوع، إنت اللي نبّهتنا من الشخص اللي بتوقع عليه الشكوك لأنّو دينونتو صعبة، ورح يهلك لأنّو رفض نعمة الله بحياتو، متل ما عمل آدم وحوا لمّن إستسلمو للحيّة اللي أغوتن وشكّكتن بكلام الله.
يا ربّي يسوع، كل مرّة منشكّك بحدا، منكون عم ناخد دور الحيّة تا نتّهمو ونصلبو، بينما إنت بتدعينا للمحبّة بالتوبة والرحمة ومش للكلمة اللي بتقتل.
تعا يا ربّ، وكون إنت وحدك مرجعيِّتنا، وخلّي مشيئتك هدفنا، تا نعرف نعيش التواضع الحقيقي والمسامحة، ومساعدة الضايعين تا يرجعو للتوبة.
علّمنا يا يسوع كيف نتوب ويكون حبّك دستور حياتنا لمّن بتزرعو بقلوبنا تا نعرف نحصل عا خلاصنا وخلاص أخوتنا اللي حوالينا.
/الخوري يوسف بركات/
