بميلادك يا ربّي يسوع، فرحت السما والأرض، الملايكة بالسما صارت تصرخ المجد لإلك، والناس عالأرض وكل الدني بلّشت ترنّملك ترانيم بتليق بميلادك، أحلى الأعياد.

بميلادك يا ربّي يسوع، صارت الفرحة بميلادك بقلوبنا اللي فاتحينلك ياها تا تتجسّد وتسكن فيها بعد ما نضّفناها من كل شوائب الخطيِّة.

بميلادك يا ربّي يسوع، هرب الشرير لأنّو مش قادر يقابل نورك العظيم، ورجعت قلوبنا تتزيّن بأجمل حلّة تا تستقبلك يا أجمل طفل وإله.

تعا يا يسوع وأسكن بقلوبنا تا تستحق إنها تتسمّى قلوب تلاميذ المسيح الحقيقيّين.

/الخوري يوسف بركات/