23 Dec
23Dec

يا ربّي يسوع، قدّيش عم يكترو الأشخاص اللي عم بيدينو غيرن بالظلم وبإسمك، وبيهربو من محاسبة ذاتن وبيتخبو بدينونة غيرن.

يا ربّي يسوع، إنت وحدك الديّان العادل اللي بيعرف عمق الإنسان وما بيخفى شي عنّك.

يا ربّي يسوع، نجّينا من تجربة الدينونة، ووعّي ضميرنا تا نضلّ قدوة ومثال لأبناءنا وبناتنا وأخوتنا وأخواتنا، ولكلّ إنسان عايش معنا وبمحيطنا ومجتمعنا.

علِّمنا يا ربّي يسوع، كيف نعيش التواضع الحقيقي، ونعرف إنّو ما في حدا منّا عالأرض من دون خطيِّة، ونعرف نطلب السماح والمغفرة منّك ومن الآخرين، ونحنا بدورنا نعرف نسامح كلّ إنسان أذانا.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.