22 Dec
22Dec

يا ربّي يسوع، عم يقترب عيد ميلادك، وشو في أجمل من هالعيد؟

عيد الفرح والمحبّة والسلام، عيد التسامح والغفران والمصالحة.

يا ربّي يسوع، نيّالو اللي بيكون ناطرك عا أحرّ من الجمر، نيّالو اللي بيكون ناطر ميلادك بعطش تا ولادتك ترجّعلو توازنو الروحي والإنساني المفقودين بفعل الخطيِّة اللي عم بتحيط فيه.

يا ربّي يسوع، إنت الميّ الحيّ اللي بيروي العطشان، واللي بيآمن فيك رح يصير، بالإيمان، ينبوعك بيدفق حبّك للناس المحتاجة.

علّمنا كيف نروي غيرنا من فيض النبع الأبدي المتفجّر حبّ منّك يا إله المحبِّة.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.