يا ربّي يسوع، متل ما الله الآب كلّم الشعب وقادن للخلاص، نحنا أكيدين بإنّك عم تحكينا اليوم كرمال خلاصنا.
يا ربّي يسوع، تعا اليوم وفوت عا عمق حياتنا وتاريخنا أكتر، ونحنا بدورنا رح نحاول إننا نكون جاهزين تا نسمع كلامك ونحملو بحياتنا، ونعيشو تا نقدر نكون مرسلين لكلمتك بالعالم، وأداة لخلاص نفسنا والآخرين.
يا ربّي يسوع، العالم ضايع وبحالة تململ وتذمّر دايمة، ما بيضحك مع الفرحانين ولا بيحزن مع المحزونين، والحكمة اللي إنت عشتا، بالرغم من فهم الناس لإلك بالغلط، بتدفعنا إننا ناخد قرار واضح بحياتنا، تا العالم يعرفنا من ثمارنا، الإيمان والرجا والمحبة بلا حدود.
/الخوري يوسف بركات/
