يا ربّي يسوع، "الشاطر اللي بيخلّص نفسو"، هيدا اللي قالو القدّيس نعمةالله الحرديني، وهيدا اللي ما عم نقدر نعيشو بهالحياة الصعبة.

يا ربّي يسوع، تا نقدر نخلّص نفسنا، علينا إننا نحاول إننا نخلّص الآخرين معنا اللي حطّيتن بدربنا، لأنو رسالتنا هيّي إننا نوصّلك لكل إنسان.

يا ربّي يسوع، إنت اللي قلت للرسل، وبتقلنا دايماً، إنَّك بدَّك تجعلنا صيّادين للناس، وهيدي دعوتنا إننا نعيشك بين الناس، ونجذب أكبر عدد منن للملكوت.

يا ربّي يسوع، نحنا جنودك بمعركة هالحياة، وبمعترك فساد هالعالم، ساعدنا على إننا نقدر نخلّص حالنا والناس اللي حوالَينا من أهواء الشرِّير، ونوصل للملكوت.

/الخوري يوسف بركات/